Chance Dekho
Login
Chance Dekho
Login
World will See
Your Talent
Talent Title:
నాన్న ఎందుకో వెనకపడ్డాడు
Talent:
....... Start......... ఒక చిన్న పట్టణంలో కార్తిక్ అనే అబ్బాయి ఉండేవాడు. అతనికి కాలేజీ, ఫ్రెండ్స్, ఫోన్… ఇవే ప్రపంచం. కానీ అతని నాన్న రాఘవ మాత్రం ఎప్పుడూ అతని వెనకే ఉండేవాడు. “బైక్ నెమ్మదిగా నడుపు…” “రాత్రి ఆలస్యంగా రావద్దు…” “డబ్బు జాగ్రత్తగా ఖర్చు చేయ్…” “చెడుస్నేహాలు వద్దు…” ఇలా ప్రతిరోజూ చెప్పేవాడు. కార్తిక్కు ఇవన్నీ చిరాకుగా అనిపించేవి. “నాన్న ఎందుకో ఎప్పుడూ నా వెనకే పడతాడు!” అని తన ఫ్రెండ్స్ దగ్గర బాధపడేవాడు. ఒకరోజు కార్తిక్ తన ఫ్రెండ్స్తో కలిసి బయటకు వెళ్లాడు. వేగంగా బైక్ నడుపుతూ ఉండగా అకస్మాత్తుగా ఒక లారీ ఎదురుగా వచ్చింది. అదృష్టవశాత్తూ చిన్న ప్రమాదంతో తప్పించుకున్నాడు. భయంతో ఇంటికి వచ్చాడు. ఆ విషయం తెలిసిన రాఘవ ఒక్క మాట కూడా అనలేదు. నిశ్శబ్దంగా ఫస్ట్ ఎయిడ్ బాక్స్ తీసుకుని కార్తిక్ గాయాలకు మందు పెట్టాడు. అప్పుడు కార్తిక్ గమనించాడు… నాన్న చేతులు వణికుతున్నాయి. కళ్లలో నీళ్లు కనిపిస్తున్నాయి. “నాన్న… మీరు కోపపడలేదా?” అని అడిగాడు. రాఘవ మెల్లగా నవ్వుతూ, “నువ్వు తప్పు చేస్తే కోపం వస్తుంది రా… కానీ నీకు ఏదైనా అయితే నా ప్రాణమే పోతుంది,” అన్నాడు. ఆ మాట విన్న కార్తిక్ కళ్లలో కన్నీళ్లు వచ్చాయి. ఆ రోజు అతనికి అర్థమైంది — నాన్న వెనక పడేది నియంత్రించడానికి కాదు… మన భవిష్యత్తు చెడిపోకుండా కాపాడడానికి అని. ఆ తర్వాత కార్తిక్ తన నాన్న మాటలను గౌరవించడం ప్రారంభించాడు. నీతి: తల్లిదండ్రుల మందలింపుల్లో ప్రేమ దాగి ఉంటుంది. వారు చెప్పేది మన మంచికోసమే. ............... End............
Like (
5
)
Share
B. Chashmika
Story
Kurnool
Need help
